Олон компани, байгууллага,  хувь хүмүүс тахь төслийг санхүү, эд материал, үйлчилгээ, өөрийн гар бие сэтгэлээрээ оролцон дэмжиж ажилладаг.

FIWI буюу зэрлэг амьтны экологийн хүрээлэн нь  ОУТГ-ын эрдэм шинжилгээ судалгааг хариуцан ажилладаг бөгөөд энэ хүрээлэнгийн профессор Prof. Dr. Chris Walzer болон доктор Dr. Petra Kaczensky нар судалгааг удирддаг.

Энэ хүрээлэнгийн үндсэн гол ажил нь зэрлэг амьтдын зан төрх, харилцаа холбоо, хэрэгцээ шаардлагын уялдаа холбоог судлан шинжлэх, түүгээрээ хүрээлэн буй орчныг хамгаалах, байгалийн нөөц, хөдөө аж ахуй, газар ашиглалт, агнуур зүйн салбарт тогтвортой, зохистой ашиглах шинжлэх ухааны үндсийг боловсруулах явдал юм.

Тус эрдэм шинжилгээний хүрээлэн нь салбар хоорондын, үндэстэн хоорондын дунд нэгэн биеийн, популяцийн, экосистемийн харилцан адилгүй түвшинд тогтвортой урт хугацаанд судалгаа хийхийг эрмэлздэг. Арга зүйн хувьд энгийн ажиглалтаас нарийн химийн шинжилгээ, молекул биологоос математик загварт хувиргах хүртэлх өргөн хүрээнд судлах нарийвчилан аргыг хэрэглэдэг.

Маш сайн судлагааны үндэс нь бодит ажлын үр дүн, дадлага туршлага, шийдвэрийн суурь болж өгдөг. Ингэснээр байгальд зэрлэг амьтад амьдрах нөхцөл бүрдэж, элдэв янзийн асуудал үүсэхийг урьдчилан тооцсоноор багасгаж өгдөг.

Европын ховор зүйлүүдийг хамгаалах хөтөлбөрийн хүрээнд ховор зүйл амьтдыг амьтны хүрээлэнд үржүүлж тэднийг тохиромжтой амьдрах орчинд шилжүүлэн нутагшуулж тогтвортой сүрэг бий болгох нь зүйтэй гэсэн байдаг. Одоогоор 120 гаруй зүйлийн амьтдыг нутагшуулах хөтөлбөр хэрэгжиж байгаа. Эдгээр амьтдын генийн олон янз байдлыг аль болох өргөн хүрээнд байлгах зорилгын үүднээс EEP үржлийн бүх мэдээллийг хөтлөн зохицуулж байдаг.

Тахийн хувьд дээрх бүх мэдээллийг Германы Cologne амьтны хүрээлэнгийн доктор  Waltraut Zimmermann 2011 оныг хүртэл хариуцан ажил ажиллаж байсан ба дараа нь тус хүрээлэнгийн доктор Lydia Kolter үргэлжлүүлэн хөтөлж байна.

Швейцарын хамтын ажиллагааны агентлаг нь ОУТГ-ын гол хамтрагчдын нэг. Тахийн амьдрах орчныг хамгаалах, тогтвортой аюулгүй ашиглах талаар дэмжлэг үзүүлэн ажиллаж, хамгаалалтын менежментийг хэрэгжүүлэх зөвөлгөөн зохион байгуулж, цөлжилтийг сааруулах төслийг тус бүс нутагт хэрэгжүүлж байгаа.

ОУТГ-ын саналаар Швейцарын хамтын ажиллагааны агентлаг нь засаглалын төвлөрлийг сааруулах төсөл хэрэгжүүлэх боломжийг бүрдүүлсэн юм. Энэ төсөл нь хотжилт төвлөрлийг сааруулах, ардчилал болон санхүүгийн нөөцийн эх үүсвэрийг олшруулах зэрэг ажлыг хэрэгжүүлэхэд түлхэц болж байна. Швейцарын хамтын ажилагааны агентлаг нь зөвхөн санхүү болон мэргэжлийн туслалцаа үзүүлээд зогсохгүй бүс нутагт хамтын ажиллагаа, харилцаа холбооны өргөн сүлжээг бүрдүүлж чадсан. ОУТГ-ын зорилго нь тэдний үйл ажиллагааны зорилттой яв цав тохирч байдаг.

Швейцарын холбооны Хүрээлэн буй орчны газрын дарга Bruno Oberle бидний хамтын ажиллагааг сайшаан дэмждэг бөгөөд тэр захиандаа ОУТГ-ын байгаль хамгаалах ажлыг өргөн хүрээнд нийгмийн томоохон сүлжээгээр гүйцэтгэж байгааг цохон тэмдэглээд энэ нь тахийг сэргээн нутагшуулах ажилд их ач холбогдолтой гэжээ. 

• Уран саваа нөхөрлөл - Ахлагч Г.Уртаа /Соёмбо баг/
• Ухааны хур нөхөрлөл - Ахлагч Ч.Ариунзяа /Биж баг /
• Алагхайрхан хоршоо - Ахлагч Б.Чинбат /Бугат сум/
• Биж багийн эмнэлэг эмч,  Ц.Оюунчимэг
• Биж багийн сургууль, захирал Б.Мөнхцэцэг
• Соёмбо багийн эмнэлэг, эмч Цэрэнбямбаа
• Соёмбо багийн сургууль, захирал Ц.Ууганаа